يضرب الخوف شو بذلّ…


slikapress01رغم إني مشنطط معتر، ولاجئ أحياناً، بس بحب مارس دور السايح مرات.. بركي بشوف حالي ع الناس شوي وباخد نتفة دلال.

مبارح فتلت بشوارع وسط برلين، حملت كميرتي ونزلت شي خمسة كيلومتر روحة وخمسة غيرهن رجعة… صورت مقر الحزب الحاكم! وصورت مباني الحكومة والبرلمان، لك حتى مقر مجلس الوزراء الالماني صورتو، طبعاً هاد غير الشوارع والناس والبيوت، وسيارات الشرطة وإشارات المرور والمجمعات التجارية ومحطات الترام والقطارات…

الغريب إنو لا حدى اعتقلني ولا شرطي سألني شو عم تصور، ولا حتى بني آدم برليني عبرني، ولحتى اتأكد إنو فيزبل لأنو للحظة فكرت بركي صاير إنفزبل وما حدى منتبهلي… ضليت مسنطر بالشارع مواجه مقر الحزب الحاكم نص ساعة، ونازل سفئ صور بكل الاتجاهات، لكن مع الأسف ما حدى انتكش يسألني شو ماتعمل هون!؟

هاليوم اللطيف ومن شدة لطافتو ذكرني بالأردن الغالي، البلد يلي استضافني في زنازين فرع أمني قذر، لأني كنت عم صور بالشارع، وارتعب لأني مشيت جنب مول تجاري وأنا حامل سلاحي العتيد، وكنت ناوي بكل عزيمة وإصرار فوت ع المول مشان اقضي حاجة العفو منكن، ما أدى لمصادرة هويتي وجواز سفري وتلفوناتي، والمسخرة عليي بالزنزانة من عناصر الفرع، رغم إني والله العظيم كنت لابس رسمي لأنو ناوي روح على شغلي بعد جولة التصوير المؤلمة.

يضرب الخوف شو بذلّ…

toledano-gunman_1web

اترك تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s